اخلي الجسد صامت من ينام الليل لأن دكت فراكك تاخذ الروح/سنابل بيه طلعت والحصاد جروح شعجب منجل ضحكتك مايحش حزني/صح بيدي رمح مايخطي بالنيشان بس رمحي وفي ومايغدر احبابه/تطالبني ابتعد وتريد انساك جا هيه المشاعر طير واذبحهه/ترفس بالكلب وكبالي تحرك بيه ودخانك شماته يسولف بناري/انه والله بطعنتك مفتخر حيل طعنتك بالوجه طعنه نشامه/كالو صورتك تطلع بالهلال على احبال السطح شريت العيون/سمعت صوتك وراي يصيح احبك طلع شامت خبيث يقلد اصوات/بنقاض الحزن لاتدور افراح ولاتنبش جروحي ارجوك فاركهن/لابس ماي اجيتك من كلت عطشان شلبسلك ملح وتغزر العشره/تعال البس اسود والطم وياي حبنه المات باجر اربعينيه/مثل ميل الثواني بعشرته وياي يحب 60واحد بالدقيقه/ساكت انته وشكد يمي يحجون اعوف اصواتهم وسمع سكتك/اسولف وي اهلي وبالي وياك حاجاني ابويه كتله ها حبي/حطمني اعلى كيفك اني من جام بس لاترجع تلمني خاف اجرحك/اريدك هيج حار وياي ملكاك مثل ملكه جهنم لليكفرون/بعتنه بسوك بي شرايه شمات واحنه بعز فقرنه ونستحي نبيعك/من كد مأسولف بيك بالبيت وكيل الحصه ضافك للبطاقه/مأعرف مكانك من اعد اعزاز بس كلش قليله بحقك الأول/بس تعالو شكد كلتهه ومايمرون تعب حتى كريم ومأجيتوا/حبيتك غلط وتورطت بيك وهذا اول غلط صح بحياتي/انته ماشايل كلب شايل قطار انه انزل تصعد ثاني/طولك لو وكف والشعر شاله الريح جن رفعه علم من تنتصر دوله/
